الإعتداء على متنصر مصرى

تبدأ أحداث هذه الواقعة عندما تلقى الأخ فرحان , وهو أحد المتنصرين المصريين , إتصالا هاتفيا من الشيخ الإرهابى
أبوإسلام أحمد عبدالله , ينذره فيه بالقتل إن لم يترك المسيحية ويعود للإسلام !!
كان ذلك فى بداية شهر رمضان الماضى , وإليكم تفاصيل المكالمة

فرحان \ ألو
أبوإسلام \ السلام عليكم ورحمة الله وبركاته
فرحان \ مين معايا؟
أبوإسلام \ أنا الشيخ أبوإسلام أحمد عبدالله
فرحان \ اهلا وسهلا , خير؟!
أبوإسلام \ تحب أقولك يا حسام ولا أقولك يا فرحان؟
فرحان \ مش فاهم أنت عايز إيه؟!
أبوإسلام \ بص أنا استخرت ربنا وعقدت العزم إنى أرجعك للإسلام قبل مايخلص شهر رمضان
فرحان \ يعنى إيه؟!
أبوإسلام \ يعنى أنا هقنعك ترجع للإسلام وهتقتنع
فرحان \ لو عايز تناقشنى فى حاجة , تعالى حاورنى على البالتوك فى غرفة أبونا زكريا
أبوإسلام \ لااااااااااااا , زكريا لا
فرحان \ خلاص تعالى فى غرفة متجلى
أبوإسلام \ ولا متجلى
فرحان \ أمال عايز إيه؟!
أبوإسلام \ إسمع , اللى مابيجيش باللسان بيجى بالدراع
فرحان \ يعنى إيه؟!
أبوإسلام \ يعنى كل بياناتك عندى , ولو مارجعتش الإسلام فى ظرف إسبوع واحد مش هيحصلك كويس
فرحان \ يعنى إيه مش هيحصلى كويس , إيه هتقتلنى؟!
أبوإسلام \ مش أنا اللى هقتلك , عيل صغير هوه اللى هيقتلك , وهيكسب فيك ثواب ,
راجع نفسك ورد عليا بسرعة
فرحان \ ههههههههه , طيب بإذن يسوع
أبوإسلام \ طب إبقا خلى يسوع ينفعك بقى ياروح أمك .

إلى هنا إنتهى نص المكالمة التلفونية والتى دارت بين أبواسلام وفرحان
مر الوقت وانتهى شهر رمضان ومر الوقت ومر , والأحداث هادئة , وفرحان لم يعر أدنى إهتماما لتهديدات
الشيخ المخرف أبوإسلام , إلى أن لاحظ فرحان , منذ حوالى إسبوعين , حركة غريبة حول منزله !!!
سيارات ودراجات بخارية , تعطل وتقف عمدا أمام منزله لساعات طويلة , والأغرب أن ركاب هذه السيارات
جميعهم ملتحين !!!!!
مر حوالى إسبوع على هذه التحركات الغير عادية حول منزل فرحان
إلى أن جاءنى تليفون من فرحان , يوم الثلاثاء الماضى فى حوالى الساعة الثانية بعد منتصف الليل !!
وعندما هممت للرد على تليفون فرحان , سمعت أصوات عالية عبر الهاتف , وصوت شخص يصرخ فى حده
سيبه سيبه وأخر يصرخ ااه اااااه ااااااااااااااااااه !!
ثم أغلق الهاتف , وحتى ظهر اليوم التالى والهاتف مغلق , ولا أحد يستطيع الوصول لفرحان !!!

إلى أن فوجئنا برسالة تبث عبر برنامج البالتوك , مصدرها غرفتى أبو إسلام والشيخ وسام , على نفس برنامج
البالتوك , تقول الرسالة
* لقد لقنا الخروف عابد الخروف فرحان درسا لن ينساه , ولن يستطيع الدخول على البالتوك مرة أخرى *
وبصعوبة شديدة , توصلنا لفرحان , والذى أخبرنا أن سيارة بها مجموعة من الملتحين , قامت
بإيقاف سيارته على الطريق الدائرى , وقاموا بإخراجه من سيارته بالإجبار , وأوسعوه ضربا بالشوم
وبصقوا علي وجهه !!
وقال له احدهم ما معناه أنه سبق وحذرناك فى رمضان , انت افتكرت إننا بنهزر , ده اخر إنظار ليك , وعلى فكرة
لو عايز تبلغ الأمن إحنا ممكن نوصلك لهناك , الأمن مش هيعملنا حاجة , بالعكس ده هيطلع عين أهلك أنت .

بعد ذلك وفى مساء نفس اليوم التالى , الأربعاء , خرجت رسالة جديدة من غرفتى أبو إسلام و وسام
بثوها على جميع غرف البالتوك , تنص على أن
* بعد فرحان الدور على محمد حجازى ومن بعده كل المتنصرين *

هذه هى الأحداث الأليمة , والوقائع المرة , ويبقى التساؤل !!!
إلى متى يستخدم الأمن البلطجية أمثال أبوإسلام و الشيخ وسام , فى تصفية المتنصرين؟!!!
وماهى الجريمة فى إعتقاد إنسان فيما يشاء و إعتناقه لما يشاء ؟!!!!!
وهل الأمن فى بلادنا أمن للشعب بكافة توجهاته وفئاته وعقائده , أم هو أمن للمسلمين فقط ؟!!!
وما معنى التعاون بين مؤسسة أمن الدولة والإرهابيين فى تصفية المتنصرين ؟